Manipur Zofate thlavang hauhna MBJP-in thlawp

Manipur Zofate thlavang
hauhna MBJP-in thlawp
Manipur-a Zohnahthlakte thlavang hauh leh tawrhpuina kawngzawh neih tur chu an thlawp a, an party office pawh khar a ni dawn tih BJP Mizoram chuan an sawi.
Thawhtannia an party office-a inkhawmah BJP Mizoram president Vanlalhmuaka chuan Manipur-a chi leh chi inkar buaina chhuak avanga Zohnahthlak unaute thlavang hauhna turah BJP member-te kal tura chahin, “Manipur buaina avanga khawvel pumah Zohnahthlakte thlavang hauhna hrang hrang hmuh tur awm leh Zohnahthlakte ah hmingchhiatna sawi tur awm lo leh min beitute khawvelin a demrawn ta hi kan tanrualna rah chhuah a ni a, Manipur buaina avanga Pathian hming chawimawia a awm ringawtte hi a lawmawm hle a ni,” tiin, ringtuten kan ralthuam tha ber tawngtaina hmangin Manipur buaina hi kan puih a, kan unaute dikna chu khawvel mite hmuhah a lanchhuah zel theihna’n tawngtaina nen thilpek nen theih ang anga puih chu kan tih tur a ni tih a sawi.