Mariah Carey Krismas hla chuai thei lo ‘All I Want for Christmas Is You’ chu kar khat chhunga US-a hla lar ber niin Billboard Hot 100 (singles) chart-ah a No.1 leh ta. He hla hi kum nga chhung a zawngin Billboard Hot 100-ah Krismas vuakvetah a No.1 ta ziah a, he chart-a a No.1 tawh zawng zawng belhkhawm pawh kar 13 a tling ta.
He hla hi 1994-a a tlangzarh kha a ni a, mahse, hetiang hunlai hian chart top 10-ah pawh a lang ngai lo. Mahse, Billboard-in chart ranking siam nana streaming service hrang hrang playlist an hman tel tak hnuah a vawi khat nan December 2017 khan Hot 100 top 10-ah a lang a, December 2018-ah top 5-ah langin, 2019 aTang chuan kumtin a la No.1 ta ziah a ni.
2021 khan Mariah Carey chuan he hla chungchang hi sawiin, “Ka phuah lai chuan khawvel huapa hetianga ngaihhlut a hlawh hi ka ring pha lo reng reng. Mi tam takin an lo hlimpui tih ka hriat hian kumtin lawmna thar min neih tir ziah a ni,” a ti.
Billboard Hot 100 hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni, Carey ‘Christmas’ hla hian stream maktaduai 42.2 leh sales 8,000 neiin, radio airplay-ah pawh maktaduai 26.1 a tling a, hei hi chart-ah a No.1 pui leh ta a ni.
Chart top 5-ah Krismas hla hlui vek langin, Brenda Lee ‘Rockin’ Around the Christmas Tree’ chu No.1 aTangin No.2-ah a tawlh a, Bobby Helms ‘Jingle Bell Rock’ chu No.3-ah bawk la awmin, Wham! ‘Last Christmas’ chu No.4 a la ni a, Burl Ives ‘A Holly Jolly Christmas’ chu No.7 aTangin No.5-ah a invawrh ve ta bawk.
Chart No.1 hlui Jack Harlow “Lovin On Me” chu No.5 aTangin No.6-ah a tawlh a, Andy Williams Krismas hla hlui (1963) “It’s the Most Wonderful Time of the Year’ chu No.8 aTangin No.7-ah a insawn a, The Ronettes ‘Sleigh Ride’ chu No.14 aTangin No.8 a kai thar a, Tate McRae ‘Greedy’ chu No.16 aTangin No.9 a kai thar leh a, Dean Martin Krismas hla hui (1953) ‘Let It Snow, Let It Snow’ chu No.12 aTangin No.10 a kai thar ve leh ta ba
Mariah Carey ‘All I Want for Christmas Is You’ a Hot ber
Get real time updates directly on you device, subscribe now.
Next Post