Mariah Carey ‘All I Want for Christmas Is You’ a lar ber

Mariah Carey Krismas hla chuai thei lo ‘All I Want for Christmas Is You’ chu kar khat chhunga khawvel huapa hla lar ber niin, Billboard Global 200 chart-ah a No.1 a, he hla hi he chart-a a No.1 tawh zawng zawng belhkhawm chu kar 16 a tling ta a, he chart-a hla No.1 ni ngun ber a ni.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian official-only streams (subscription leh ad-supported audio leh video music services) leh download sales te chu tehna pawimawh a ni.
‘All I Want for Christmas Is You’ hla hi kumin December-ah a zawnin kar thum chhung a No.1 tling ta a, tun tumah hian kar khat chhungin khawvel ram hrang hrang 200 chuangah stream maktaduai 102.5 leh download dales 12,000 a tling thei a ni. He hla hi 1994 a tlangzarh kha niin, he chart-ah hian a vawi khat nan 2020 leh 2021-ah kar li ve ve a No.1 a, 2022-ah kar nga No.1-in, tunah kar thum chhung a No.1 leh tawh bawk a, Harry Styles ‘As It Was’ kalsanin, amahin he chart-a hla No.1 ni ngun ber record a siam ta a ni.
Wham ‘Last Christmas’ chu No.2-ah bawk awm lehin, Brenda Lee ‘Rockin’ Around the Christmas Tree’ chu No.3 a la ni a, Bobby Helms ‘Jingle Bell Rock’ chu No.4-ah bawk la awmin, chart No.1 hlui Tate McRae ‘Greedy’ chu No.9 atangin No.5-ah a invawrh kai ve leh ta bawk.

Billboard Global 200 Top 10:
1 All I Want For Christmas Is You – Mariah Carey
2 Last Christmas – Wham!
3 Rockin’ Around The Christmas Tree – Brenda Lee
4 Jingle Bell Rock – Bobby Helms
5 Greedy – Tate McRae
6 Santa Tell Me – Ariana Grande
7 Lovin On Me – Jack Harlow
8 It’s The Most Wonderful Time Of The Year – Andy Williams
9 It’s Beginning To Look A Lot Like Christmas – Michael Buble
10 Underneath The Tree – Kelly Clarkson