Marketing Committee thutkhawm pui

Marketing Committee thutkhawm pui
Agriculture & Farmers Welfare leh Horticulture special secretary Ramdinliani leh Mizoram Agriculture Marketing Board (MAMB) deputy managing director Dr David Fangzauva te chuan kar kalta khan Khawzawl leh Saitual-a District Agricultural Marketing Committee (DAMC) an thutkhawm pui.
Agriculture secretary chuan Mizoram sawrkarah agriculture marketing-in bung thar a kai a. Saitual chuan primary agriculture credit society an nei tha a. Sawrkarin heng society hi chhawr tangkai a tum tih a sawi. District tinin thlai chin bik neih chu a pawimawh thu sawiin, hei hian thlai thar that kawngah a puih a ring tih a sawi.
Khawzawla thutkhawmah Ramdinliani chuan, Mizorama thlai thlan bik pali – sawhthing, aieng, hmarcha leh hmunphiah-te district level-a lakkhawma hralh chhuah dan tur sawiho a ni a. Heng priority crops lakkhawma hralh chhuahna hmun tur Secondary Collection Center atana hmunhma thli tlai dan tur leh heng centre-a January thla chhunga training neih dan tur sawiho a ni.
Thutkhawmah hian DAMC inpuahchahna leh hmalakna, training an neih tawh dan report a ni a; society hruaituten zawhna an neihte chhan a ni.