Martarte Ni hmang dawn

Vawiin – January 30 hian India ram zalenna atana nun hlante hriatrengna atan minute hnih chhung hun hman a ni dawn.

January 30 hi India zalenna atana nunna hlantute hriatrenga ni – Martyr’s Day a ni a. Kumtin ‘Martarte Ni’ ah hian ram pumah chawhma dar 11.00 ah anmahni hriatrengna’n leh zahna lantirna’n minute hnih chhung ngawi renga dingin hun hman a nih bakah he hun chhung hian lirthei tlan mek pawhte tih din an ni thin.

Mizoram General Administration Department chuan sawrkar department leh pisa hotulu zawng zawng, DC zawng zawng leh zirna in hotu zawng zawng chu an hnuaia thawk leh zirte, vawiin chawhma dar 11.00 a urhsun taka minute hnih chhung hmang leh zawm vek turin a hriattir.

Sawrkar hmunpui MINECO ah chuan chief secretary hoin he hun hi hman a ni dawn a, MINECO-a thawk zawng zawngte chu MINECO tualah chawhma dar 10.55 ah awmkhawm tura hriattir an ni. Hun tan hman leh hun tawpah siren tihrik a ni dawn a ni.