Mau chi leina atan vbch 6.8 hmang

Mau chi leina atan vbch 6.8 hmang
Sawrkar hmasa hunah sawrkarin mau chi leina atan cheng vaibelchhe 6.83 a hmang a, hmun thenkhatah chuan mau chin hi a thang tha tih Horticulture minister Prof Lalnilawma chuan a sawi.
Assembly Session-a zawhna chhangin Horticulture minister chuan, sawrkar hmasa huna mau chin chu a chin tamna Hmunpui velah chuan a thang tha meuh loa, chutihlaiin Champhai lamah chuan a thang tha in, patling ban pil let hnih te a ni a, a tuai pawh chawn puar tiat te a awm tih sawiin, “A chinna hmun aizirin a that leh that lohna a awm niin a lang,” a ti.
Mau chi hi 9,71,225 lei niin, sum sen hi Rs. 6,83,30,250 a ni a; mau hi chi thum lei niin lei tam ber Brandisii leina atan cheng vaibelchhe 3.32 sen a ni tih a sawi.