MNF sawrkarin Hmunpui rama Bamboo Link Road a laih leh mau a chintir chu hlawhtlinpui tur awm lo, sum siamna mai mai ni ah an ngai tih ZPm Thalai chuan an sawi.
-- Advertisement --
ZPM Thalai hruaitute chuan February 11 khan Hmunpui rama Arlei Zau hmuna Mizoram sawrkarin kuthnathawktute mau a chintirna hmun leh bamboo link road laihna hmun an tlawh a. ZPM Thalai president Dr C Lalrammawia chuan he hmun hi 2021 March 13 khan an tlawh tawh thu a, sum tam tak senga Mizoram sawrkarin mau a buaipui dan chu fuh lo a tih thu sawiin, ‘MNF sawrkarin a uanpui em em bamboo link road hi a taka hmuh chuan a laih chin a tawiin, a chhe em em a ni’, a ti.
Bamboo Link Road chu SEDP-ah board hran hiala dahin, MLA-in vice chairman niin a enkawl a, sum tam tak leh duhsakna tinrenga vur a nih laiin, bamboo link road laih hian kum 2020-a mau chinna hmun takngial pawh a la pawh lo tih ZPM Thalai president hian a sawi. “Kumtin cheng nuai 200 chuang luanralna SEDP Board hi a pamhmai hle a. Mau tiak leina atan Mizoram sawrkarin Rs. 6,48,16,750 sengral tawhin, mau tiak Rs. 849,425 a lei tawh a, Hmunpui rama mau chinna hmun kan tlawhnaah hian suma chang tlak khawpa mau thang tha hmuh tur a awm loh bakah mau hi an chawrche em em vek a ni,” a ti.
Bamboo link road laihna atan nuai tam tak a kalral laiin, a takah chuan kawng hi hnimin a bawh khat a, kawng mumal a awm lo tih a sawi a. Mau chinna atana Horticulture department-in sum a hman tawh hi cheng nuai 1752 niin, National Bamboo Mission hnuaiah kum 2018- 2020 inkarah cheng nuai 174.60 hman a ni a, NEC hnuaiah 2020- 2021 ah nuai 1114 leh SEDP hnuaiah kum 2019- 2022 chhungin nuai 463.40 hman a ni tawh a, sum kal ral leh a taka mau chinna erawh a inthlau hle tih ZPM Thalai president hian a sawi.
‘Hmunpuia MNF sawrkar hmalaknaa mau chin hi a hlawhchham chiang hleah kan ngai a, an term tira an buaipui em em mau chin a hlamzuih ta hi pawi kan ti a, kuthnathawktute hun leh tha, thlantui luangral zawng zawng hi uiawm kan ti a, kuthnathawktute hmanga sum siam bansan tawh turin MNF sawrkar kan ngen a ni,’ ZPM Thalai hr