Mau behchhan industry dintute tana dawr ber tur department neih tul an tih thu Mizoram Chamber of Commerce & Industry chuan chief minister hnenah an thlen.
Mizoram Chamber of Commerce & Industry (MCCI) hruaitute hian Nilaini khan chief minister Lalduhoma a office-ah an kawm a. Mizorama cooperative society hmanga mipui tana awlsamna thlen theih dan, mau behchhan industry dintute tana dawr ber tur department neih tul an tih thu, industrial area chungchang, consultancy firm leh registered contractor-te inkara harsatna awm thei, tender chhangtute tana ‘work done certificate’ phut chungchang an thlen.
Hei bakah hian financial literacy rate-a Mizoram kan hniam avanga bank loan lak a har thu, inner line permit kalpui dan tha nia an hriata rawtna, department pakhat hnuaia EDP leh ESDP training dah tha an hriat thu, Hand Holding Policy nena SRI scheme kalkawp tir theih an rin thu, Bangladesh nena insumdawn tawnna chungchang leh thil pawimawh dang an thlen bawk.
Chief minister hian an rawtna hi an lo zirchian tur thu a hrilh a. Rawtna thenkhat chu chipchiar taka ziaka thlen rang turin a chah a ni.
Mau industry dintute tana dawr ber tur department duh
Get real time updates directly on you device, subscribe now.