Maubawk K|P nen Consumer Awareness Plus Ha siamtu hrem thu

Lallunghnema
Charity Lodge
Cont: 9862288182

Consumer Huang min lo chhiarsak thintute leh min lo hlutsaktute chibai ka buk a che u. Chibai buk uar ngang ka ni a. Lam kawia kan intawh hunah pawh ‘chibai’ tiin kut kan invuan zel ang chu.
Pathian zarah consumer khawvel ka la luhkhung thei reng a, ka lawm hle a ni. Harsatna leh buaina karan kumin hian ka la ‘consumer’ thei zel a. Ka theih ang angin consumer complaint ka la buaipui thei zel a, ka va lawm em! Ka lawmna chu nangmahniah luang lut rawh se.
Centre For Consumer Education chuan sawrkar nen tangkawpin Consumer Outreach kan la nei thei zel a. Rilruah chuan thla khatah vawi khat tal neih kan tum a. Dawrkai sumdawngte hi siamthat kan duh a, kan tum a ni. Dan ang taka sumdawng turin kan duh a. Lal Isua duh dan ang taka sumdawnga dawr kai turte, buk tlinga hralh turte, MRP aia sanga thil hralh lo turte, hman theih loh hralh chhuak lo tur tein kan inchah thin a ni. Dawrkaite kan tlawhnaah thil dik an tihziate an sawi a. Mahse, an dik vek lem lo tih chu an customer-teah a hriat zel a. Thil chu a kal tluang zel turah kan beisei zel a ni. He famkim lohna khawvel hi Mizoram hian a tuar a, mipuiin kan tuar zel dawn a. Chuvangin mipui kan tanrual a ngai a, mipuiin sual kan do tlan a ngai a. Kan kutte hi a thianghlim ngei tur a ni.
Tin, heti hi a ni a, kan tum lawk ang ngeiin ni 15th Sept. 2025 zan dar 7-ah chuan Maubawk Kristian |halai Pawl te nen Consumer Right Awareness Programme kan hmang ta a. He hun hi Upa Saimawia Sailo (an adviser atana Kohhran aiawh) FCS&CA-a thawk mek chuan min uap a. Kan changtlung a, kan phuisui hle. A thlamuanthlak hle a ni. He hun hi |halai Programme a nih tel ve avangin ‘a nek a nawk’ a tam deuhva. Dar 7-a tan tur kha 7:30 pm-ah kan consumer thei tan chauh a ni; dar 8:20 PM ah kan zo thei. He hunah hian Centre For Consumer Education lehkha siam chhuah mipuite hnena Ngenna leh Hriattirna chu kalkhawmte hnenah sem chhuah a ni a. Kawl mai mai lo turin ka chah hlawm a. Thu sawm pek ang tluk ni lo mah se chhungkuaa lo zir thin tur leh lo bye heart turin ka ti a. Heti hian ka ti “He lehkha te tak te, red paper hi thu tak bu a ni a, a tê na a, a tlawm nain a hlu a, a tangkai a, chuvangin lo ‘rula raw neih’ mai mai suh u. In chokaah tar ula, en fo ang che u” ka ti a ni.
Tunlai chu Consumer-te Zalenna ka lehkhabu ziah hnuhnung ber hi ka lekchhuak thin a. Ka present nghe nghe, hei hi chu a kohhran Library-ah dah se, chhiar se, ka duh a ni. Kei a ngaihah chuan an bengvarpui ang a, an tangkaipui ngei ang tih ka beisei tlat a ni.
Kristian |halaite hmaa ka thusawi tlangpui : Kum 1890 chhi vel atang khan USA-ah khuan Consumer Movement a lo intan tawh a, thil leituten bazara ei tur thianghlim leh sa thianghlim lei a nih theih nan sawrkarin hma a lain Dan leh Hrai a lo siam chhuak tawh a. Tun thleng hian America ramah khuan Consumer Movement chak takin a kal chho mek zel a ni. Ram changkang leh hmasawn zawkah Consumer Movement hi a chak a. Ram hnufual apiangah consumer movement an uar lo zel niin a lang. India ram rau rauah pawh hian keini Mizoramah te hian consumer movement kan uar lo hle a. Kan ngaihsak lo a ni tawp. Sawi ngaihna pawh a awm lo. Miin thil a leinaa harsatna a tawh pawh a phun liam mai mai a, thil mamawh ni tin nun nghawng thilah pawh kan nun chhungril leh pawn nghawng theiah erawh kan âng ngam tawk a, kan duhtawk leh zel tho si a ni. Mizote hi consumer right leh issue-ah kan harh chhuah a ngai. Kan hriat loh aleiah kan hliam nei lo thut mai mai a. Kan tuar reng a, vuak kan tuar reng a ni. Consumer movement tih chak hi kan tan a tha a, a tul. Ram economy siam that nan a tha, corruption do nan a tha hle. Chuvangin sual kan hua a nih chuan consumer right hi i ngai pawimawh ang u. Heng Right to choose, Right to safety, Right to be heard, Right to be informed, Right to redressal, Right to Awareness te hi kan ngai pawimawh tur a ni. Heng tihlawhtling tur hian hengte hi kan neih a ngai, huaisenna, rinawmna, dikna, hawihhawmna.
Mi zawng zawng consumer kan ni. The Consumer Protection Act, 2019; The Consumer Protection Rules, 2020; The Legal Metrology Act, 2009; The Packaged Commodities Rules, 2011 te hi consumer-te venghimtu an ni. MRP aia sanga thil hralh-te, bungraw chhia zawrh leh hralh te, expiry date hnu lam thil zawrh(kawl) leh hralhte hi Dan kan sawi mek te kalh hi a ni. Chuvangin consumer-te hian mawhphurhna kan nei, cash memo/reciept lak zel tur tih te i thinlungah vawng tlat ang che u. Red paper phei hi chu lukhamah dah tha mai mai suh u, i lo hmang tangkai dawn nia, tiin ka thusawi ka ti tawp a… ka tawn hriat eng emaw zat ka sawi bawk a. Hlim taking programme chu zan dar 8:30 velah kan titawp ta a ni. Maubawk KTP-te an fel thu an ngai thla tha hle…
I thil leia harsatna i tawh chuan min hrilh ta che.