Maubawk YMA-in lawmthu hrilh

YMA Maubawk Branch chuan Inrinni khan kumin May 28-a an veng mi, Lalrimawii (63) w/o Lalthangfala, Lungsei khuaa leiminin a hnawl vanga thi, a ruang harsa taka Maubawk thlen a nih nana tha thawhtu Chhimphei leh Hmuifang Group YMA huamchhunga YMA Branch 14 hnenah lawmthu hrilhin an tlawh.
Lungsei, Samlukhai, Sialsuk, Sialsuk South, Maubuang, Tachhip, Sateek, Aibawk, Falkawn, Samlukhai, Muallungthu, Hualngohmun, Melriat leh Hmuifang chu ‘Zonun zemawi tlawmngaihna nasa taka lantirtu’ tiin, an veng mi ni lo, mi ruang leh damlo tanpui ngaite tanpui a, leimin leh zan thim hnuaiah an tana nunna chan hlauhawma an chetna chu ropui an ti tih an hrilh.
An ‘thla hual’ nan Rs 2000 theuh an hlan bakah puan 5 theuh YMA Branch hrang hrangte hi an pe a ni.
Tarlan tawh thin angin, Lalrimawii hi May 28-a chhiatna thlen tuma thi zingah a tel a. Lo an neihna Lungseiah hian a riahna thlam chu a chhak leiminin hnawlin a thi a ni. Leiminin kawng a tih pin avangin lirtheia a ruang phurh theih a ni loa, amah bakah damlote nen heng khaw hrang hrang hian an khaw ram chin zelah inhlan chhawngin, lirthei kal theihna chin thlen hma zawng a zawnin an zawn thleng a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More