Eucation minister Dr Vanlalthlana rawtna angin school leh college syllabus-ah Artificial Intelligence (AI) chu zirlaite tan tangkai zawka hman dan zawn tum a ni.
School Education leh Higher & Technical Department hotute chu an minister Dr Vanlalthlana ho hian June 7 khan an thukhawm a. Minister hian kumin May 19-22 a London-a neih Education World Forum-a hun a hman atanga a zir chhuah pawimawh a tih a sawi. Tunlai khawvel AI-in min luhchilh tawh zia sawiin, hemi hmachhawn tura kan inpuahchah a tul tih a sawi a. AI leh a kaihhnawih hrang hrang zirlaite tana hman tangkai theih dan tur a sawi a ni.
Education Outcome Fund atanga puihna dawn theih dan ngaihtuah a tul tih a sawi bawk.
Thutkhawmah hian Education World forum 2024-a thupui hrang hrang – “Encouraging AI understanding, building human relationships and resilience, and accelerating climate action” chungchang sawiho a ni a. Zirlaiten an tangkaipui zawk nan zirna in, school leh college syllabus-ah AI, basic coding, data analysis telh nise tih rawtna siam nghal a ni.
School leh college syllabus-ah AI
Get real time updates directly on you device, subscribe now.
Next Post