Maxi cab khalhtuten kawng tifai

Hmar tlangdung kawngpui pawimawhin a paltlang Mualmama leimin chu he kawng paltlangtu maxi cab driver inthurual chuan khualzin leh lirthei an him zawkna turin Thawhlehni khan an thianfai.
Cyclon Remal siperin Mizoram a hrut laia ruahsur nasaah khan Mualmam ram huanchhunga metre 170 vela zau lei a min a, PWD-in khawl hmangin thianfai mah se, lei ala tlak zel avangin hna a sawt lo hle. Lei paihtu lirtheiten kawngah leivung an thlauh thin avangin kawngpui dung a nal a, kawng nal vang hian lirthei leh mihring tan pawh kal a harsa a. Bungraw phur lirthei lian an tang zeuh zeuh thin a, zin veivak khualzin phur lirthei pawh rei tak tak a tang thin tih sawi a ni.
Hmartlangdung khaw hrang hranga maxi cab driver tangrual chuan leimin thenfai leh kawng nal tihfai hna hi an thawk a. Sesawng Pik-up Association-in tui chawia puiin tlawmngaiin mi 170 vel an thawk chhuak.