Hnahthial-a hna hrang hrang chelh kawp mek MCS officer pakhat chu sawnchhuah tura sawrkarin a tih tawh chu cancel sak leh turin Hnahthiala MNF party hruaitute chuan thuneitute an ngen.
Tunhnaia sawrkarin MCS officer engemawzat awmna a siksawiah Hnahthiala SDO (Sadar), DUDO, SO, EO leh BDO hna kawp mektu Lalremruata Sailo chu a tel ve avangin MNF West Block South Tuipui bial OB-te leh Hnahthial khawchhunga VCP-te chu Thawhlehni khan thukhawmin, sawn chhuak rih lo turin thuneitute ngen nise an ti.
Kalkhawmte chuan Hnahthiala SDO (Sadar) Pu Lalremruata Sailo sawn a ni chu an ui thu leh Hnahthial district tih hmasawnna atan a thawhrimna chhuanawm an tih thu sawiin, Hnahthial chu district bul tan chho a nih avangin Pu Lalremruata Sailo chu an la mamawh hle tih an sawi a, sawn lo turin sawrkar ngen nise an ti.
Resolution pass nghalin, chief minister Pu Zoramthanga kaihhruai sawrkarin Hnahthial leh a chhehvel mipui mamawh leh duh tak, Hnahthial district a pe leh a tih puitlin sak mek chu an lawm em em a; Covid 19 hrileng leh thil hrang hrang vanga sum harsatna karah pawh hmasawnna ruhrel pawimawh tak tak a chhawpchhuah sak zel chu ropui an tiin, an chhuang takzet a, sawrkar chungah lawmthu an sawi, tih a tarlang. Hetih rual hian tunhnaia MCS officer-te awmna tur siksawiah, mi thahnemngai leh thawh hlawk, mipui tan inpe zo tak Pu Lalremruata Sailo, SDO (Sadar) Hnahthial sawnchhuah a ni chu an ui hle, tiin, ‘District bul tan chho kan nih avangin Pu Lalremruata Sailo kan mamawhna hi a la sangin, a transfer order hi min cancel sak turin sawrkar hi kan ngen a ni,’ a ti.
MCS sawn tur cancel leh ngen
Get real time updates directly on you device, subscribe now.
Prev Post