MDC thlan thar lalut

Mara Autonomous District Council hnuai 22-Siaha East-I bial atanga by-election a thlantlin Nelson Khenglawt chu Thawhlehni khan rinawmna thu tiam tira Member of District Council atan lakluh a ni.
MADC Legislative Department under secretary C Siatha kaihhruaia inkhawmah District Council Court president & recorder K Vanlalliana MDC thar hi thu a tiamtir a. Lakluh inkhawmah hian MADC hnuaia EMs, MDCs, ex-MDCs leh MADC official-te bakah NGOs leh Siaha District MJA member-ten an telpui.
Siaha East-I MDC bial by election hi kumin September 29 khan neih a ni a, October 3 khan vote chhiar niin, a tling puan nghal a ni a. MNF ticket-a ding Nelson Khenglawt hi a tling. By election hi he bial MDC H Hrangchuanga a boral avanga neih a ni.