Mizorama cheng Meiteite aiawhin an hruaitute chuan Nilaini khan Raj Bhavan-ah larsap Dr Hari Babu Kambhampati an kawm.
Mizorama Meitei hruaitute chuan larsap hnenah hian tunhnaia Manipur buaina chu thinlung taka pawi an tih thu sawiin, remna leh muanna a awm leh thuai an duh ber tih an sawi a. Hetih laiin remna leh muanna duh, Mizo mipui zingah an cheng chu vannei an intih thu sawiin, an thla a muang tih an sawi. Tunhnaiah Mizoram sawrkar hotute, Central YMA hruaitute leh zirlai pawl hruaitute an biak tawh thu te, an tawngkam chhuak leh an lo dawnsawn danah an thla a muan thu an sawi bawk.
Mizoram Meitei Welfare hruaitute hian Manipur state-ah a rang thei ang bera remna leh muanna a awm theihna’n President of India hnenah ngenna an siam a. An ngenna hi lehkhaa ziakin larsap chu thehluh sak turin an ngen a ni.
Meitei hruaituten larsap hmu
Get real time updates directly on you device, subscribe now.
Prev Post
Next Post