Er. Chhungpuia Renthlei
Senior Technical Officer,
NIELIT Aizawl
-- Advertisement --
Meta AI hi enge ni?
Meta AI awmzia chu Metaverse Artificial Intelligence a ni. Awlsam leh rang taka kan zawhna chhang thei tur leh kan mamawh hrang hrang tihtir thei tura general-purpose AI assistant software a ni. Meta AI siamtu leh neitu chu Facebook inc a ni. Facebook’s AI Research director, deep learning thiam tak leh New York University a professor ni bawk “Godfathers of AI” tih hiala an vuah, Yann LeCun-a duanchhuah a ni. A hming hmasa chu Facebook Artificial Intelligence Research (FAIR) a ni. Facebook company in kum 2021 October thla a an hming Meta(Metaverse) Platforms, Inc tia an thlak khan Meta AI tiin an thlak.
Meta AI pian chhuah dan:
Kum 2020 khan inbiak theihna Dialog Agent AI Model an siam a. Kum 2021 khan mihring anga thil hrethiam thei tur AI Model thar CAIR (Cognitive Architectures for Reasoning) an siam leh a. Kum 2022 khan tuna WhatsApp-a kan hmuh ang zawhna chhang thei AI assistant chi khat, computer leh mihring inbiaktawn theihna Conversational AI model an siam leh a. February 24, 2023 khan dik leh tha zawka zawhna chhang thei AI Model thar Large Language Model Meta (Llama) an siam leh a. Kumin April 2024 khan version thar ber Llama 3 an release a, Meta AI Virtual Assistant hi Website (https://www.meta.ai/), Facebook leh WhatsApp ah an dah nghal bawk. Kumin June 24, 2024 khan India ramah Facebook, Instagram, WhatsApp leh Messenger hmangtu te tan an rawn tlangzarh ve ta a. Tunah chuan mizo mipuite pawhin kan lo hmang ve thei ta a nih hi.
Feature langsar zual te:
|awng hrang hrang English, Hindi, German, Chinese, Japanese e.t.c sawm paruk a hrethiam a, heng hmang hian awlsam takin kan hriat duh zawng kan zawt thei a. Mihring ang maiin Creative Capabilities a nei a, thawnthu a ziak thei a, Hla a phuah thei a, Essay leh articles a ziak thei bawk. Inkaihhruaina mumal tak Ethical Guidelines a nei a, kan tana him lo tur ang chi min chhang duh lo. Zawhna hrang hrang chhang thei turin internet atangin dataset lian tak a nei a, hemi hmang hian training uluk taka pek reng a ni. Englai pawhin a hmangtute zawhna pek leh feedback hmangin amah hi a inzir fing zel thei bawk.
Meta AI software tools & technology:
Meta AI hi advanced technology changkang tak tak Mihring tawng hriatthiam theihna (Natural Language Processing), Data atanga thil nihna zirchianna (Machine Learning) leh Database lian tak atanga information dik thei ang bera siamchhuahna (Knowledge Graph) hmanga siam a ni. Inbiaktawnna (conversational) atan Transformer-based architecture, supervised leh reinforcement learning algorithms a hmang bawk. High-performance GPU infrastructure a nei a, deep neural networks atan PyTorch program an hmang bawk. 15 billion parameters lai support thei turin Llama 3 hmangin Language Model lian tak siam a ni a, advanced Natural Language Processing (NLP) nen Internet platform hrang hrang atanga data tam tham tak 15 trillion tokens hmanga training pek reng a ni bawk.
AI Model, algorithm leh Aplication hautak zet siam nan leh implement nan Python, Java leh C++ programming language an hmang a. AI Training model atan Machine Learning libraries: scikit-learn, TensorFlow leh Keras PyTorch open-source machine learning framework an hmang bawk. Natural language process nan leh text generation atan Transformers neural network architecture an hmang a. AI application a tul anga siamrem zung zung nan leh information pek chhuah nan Kubernetes open-source system, Docker Tools, Cloud Computing pahnih Amazon Web Services (AWS) leh Google Cloud Platform (GCP) an hmang bawk. Kan zawhna leh a chhanna dahkhawm nan Database Management Systems hrang hrang MySQL, PostgreSQL, MongoDB a hmang bawk. Heng technical software tools leh technology te hmang hian Meta AI chuan mihring ang maiin kan zawhna hrang hrang rang takin a rawn chhang zung zung thei ta a ni.
A hnathawh dan:
Meta AI Virtual Assitant text box hmangin zawhna emaw, hnathawh tur kan chhu lut a. Kan zawhna type luh te hi thumal awmze nei tawi te te (words or phrases) ah a thensawm phawt a. Heng words or phrases kaihnawih information te hi Meta AI Database lian takah a zawng a. Information a lakkhawm hmangin kan zawhna chhanna tur a siam a. Chhanna dik leh rintlak min pek theih nan a siam rem leh vek a. Duh tawka a siam hnuah database-ah fel takin a dah tha leh phawt a. Tichuan, kan zawhna emaw, hnathawh tur kan pek apiang chhanna te chu rawn tilang ta a ni. Heng hna hrang hrang te hi second rei lo te chhungin a tifel vek thin.
Meta AI hman tangkaina:
Kan mamawh dan azirin Meta AI hi tangkai takin a hman theih a, a langsar zual tlem han tarlang ila.
Zirna lamah : Zirlai ten Topic hrilhfiah nan leh example pek nan, Diagram ziah nan, Computer program ziah nan, Study resource, real world application, projects e.t.c atan tangkai takin an hman theih. Zirtirtu ten Lesson plan, Student Assessment, Classroom activities, Virtual lab siam nan, Education research, Parent-Techer communication, Curriculum development, Quiz siam nan, e.t.c a hman theih bawk. e.g Create a quiz on English grammer tih hi han type la, English grammer MCQ a rawn siam mai ang. Find teaching resources for Biology for class 10 tih hi han type la, class 10 biology study material a rawn hrilh ang che.
Sports leh Music: Sport leh music lamah pawh atangkai hle. Sports lama tui mi te tan Sports news, Player statistics, Game predictions, Player comparisons, Score updates, Coaching advice,Schedule information e.t.c hriat nana hman theih. e.g. Compare Messi and Ronaldo tih hi type la, an dinhmun khaikhinna a rawn lang ang. Music lamah Lyric writing, Instrumental composition, Genre analysis, Music history, music creation e.t.c atan a hman theih. e.g. Masi hla i phuah duh chuan Write lyrics about Christ mass song tih hi type la, massi hla nalh tak a rawn phuah anga, I duh angin Mizo tawngin i letling tawh mai dawn a ni.
Graphics and multimedia: Image Generation, Image Editing ,Graphic Design (logos, icons, and infographics,Video Editing, Animation,Multimedia Presentations, Image Recognition e.t.c atan tangkai takin a hman theih. e.g Generate an image of Taj Mahal , Create a logo for Fashion store, Make a video with AI tih thu te hi i duh ber han type chhin teh le.
Limitation:
Meta AI hian kan zawhna hrang hrang dik taka chhang thei turin data a la nei kim tawk lo hle a, zawhna tam tak chhanna min pek tam tak pawh hi a dik lo ve thin bawk. A bikin Real-time information tam tak a chhang dik lo thin. Meta AI hi Cybercriminal lakah a him reng bik lo a, Fake news, Phishing attacks, Financial frauds leh information dik lo thehdarh nan an la hmang ang. Tin, kan suangtuahna angin Milem leh Video a tak tak anga siam theih anih avangin Graphics leh video hmanga intihderna/inbumna tam thei hle dawn bawk. Entirnan: Imagine taj mahal filled with fire tih hi han type la, Taj mahal kang hluah hluah lai a rawn lang mai ang. Hetianga mipui rilru chawkbuai thei thehdarhtute hi Pawisa chawi leh jail tan thlenga hrem theih an ni. Fimkhur taka hman a tul hle.
Hriat tur pawimawh te:
Midang Passwords, credit card numbers, sensitive health information, sensitive personal information, dan phal loh thil tih nan te, hur herhna lam thil tarlan nan te leh damdawi inchawh nana hman loh tur a ni. Midang chanchin kan zawhna leh chhanna social media vawrhdarh phei hi chu pawisa tam tak chawi leh lungin tan theihna a ni.
Meta AI hian zawhna maktaduai chuang ni tin a chhang thin. Thlakhat chhungin zawhna tluklehdingawn khat zet a dawng a, zawhna a chhan tawh zawng zawng hi 100 milion a tling tawh. Chhhanna dik leh rintlak zawk min pek theih nan zawhna kan type luh leh comment atang te, internet a databa thar ber ber hmanga upgrade reng a ni.Kan mithiam ten Language processing lamah tan han la chho zel se, eng niah emaw chuan Mizo tawngin kan duh zawng kan zawt ang a, mizo tawng ngei hmangin min la rawn chhang thei ang. Keini mizo te pawh hian kan hman dan azirin kan la tangkaipui chho zel ang.