Meth leh a neitu mi pathum man
Meth leh a neitu mi pathum man
Mizoram Police chuan nimin khan thuchhuah siamin, December ni 21, 2025 zingah khan West Phaileng Police Station hnuaia Dapchhuah Check Post te chuan Methamphetamine tam tham tak leh a neitu mi pathum an man.
Wagon ‘R’ silver rawng, a khalhtu leh a mi phurh mi pahnih, an vaiin Karimganj, Assam lam mi, Aizawl lam atanga kalte chu rinhlelh thil thuah Dapchhuah Check Post-ah hren an ni a. Tualchhung mi hriatpuitu awm laiin uluk takin lirthei hi dap niin, lirthei seat hnunga bagpack (Hinex) chhungah Methamphetamine hi man a ni ta a ni.
Methamphetamine hi a vaiin Kg. 1.89 niin, tualchhung rate-ah cheng nuaih 24.57 man hu niin chhut a ni.
Lirthei khalhtu leh a mi phurh Sarimul Haque (38), Kachukhauri, Karimganj, Assam (a khalhtu); Shamsul Hoque (38), Dalgram, Karimganj, Assam leh Nazam Uddin (21), Dalgram, Karimganj, Assam te chu a hmunah hian man nghal an ni a. A phurhna lirthei leh document te pawh man nghal a ni. West Phaileng Police Station-ah NDPS Act hnuaiah thubuai ziah luh a ni a, ruihhlo kaihhnawih leh a kalkawng te chiang zawka chhui chian chhunzawm zel a ni.
Chhui zui ngai a awm avangin Mizoram Police-te hian an puangzar mai lo nia thu dawn a ni.