Meth man hnem leh tawh
Kum hnih kum thum vel liam taah
khan Mizoramah meth man tur a tam ta vak lovah ngaih a ni a, man tur chu awm tho mah se a hma angin a tam lo nia ngaih a ni. Kum liam taah khan a tam leh niin a lang.
Mizoram Excise & Narcotics (MEN) department-in kum liam ta 2022-ah khan meth (methamphetamine) hi kg 103.714 an man a, a hma kuma an man zat nena khaikhinin 2022-a an man hi a tam hle.
2021-ah khan Kg 12.268 an man a, 2020-ah Kg 45.547 an man. 2019-ah phei chuan Kg 15.839 emaw chauh an man a, 2018-ah phei chuan an man lo. 2022-ah a pung leh ta hluai a ni.
Meth an man hmasak ber kum chu 2001 kha a ni a, mum 670 an man. A kum leh 2002-ah mum 971 an man leh a, chumi hnu-ah 2012-ah mum 287 an man. 2013-ah mum 613 an man a, 2014-ah a pung ta dawrh a, mum 63000 an man. Chumi hnu chuan a reh ta vang vang a, 2019-ah an man leh ta a ni.
Meth hi 2017 thleng khan an man zat hi a mumin an chhiar thin a, chung laia an man hnem ber kum chu 2014 niin, hemi kumah hian mum 63000 an man.
Meth hi vawiin thlengin Mizo thalaite’n an la khawih lo nia ngaih a ni a, Mizorama an mante pawh hi hmun danga mi tur nia ngaih a ni.
Meth man tawh zat
2022-ah Kg 103.714
2021-ah Kg 12.268
2020-ah Kg 45.547
2019-ah Kg 15.839
2017-ah Mum 13400
2016-ah Mum 15000
2015-ah Mum 54400
2014-ah Mum 63000
2013-ah Mum 613
2011-ah Mum 287
2002-ah Mum 971
2001-ah Mum 670