Meth mansak hnen atangin man belh
Mizoram Police-ten May 23 zinga Aizawla methamphetamine an mansak hnen atangin, a hmaa an mansak zat tho man belh a ni.
Special Narcotics PS leh 2 Assam Rifles thawkdun chuan May 23 chawhma dar 10.45 vel khan Ch Chhunga Bus Terminal Thuampui Aizawl atangin methamphetamine mum 100000, kg. 9.750 a rit chu Zothanmawia (32), Zokhawthar Champhai district inti hnen atangin an mansak a. Hemi chhuina kal zelah Zothanmawia thu an zawhfiahna atangin Durtlanga a thuhruknaah methamphetamine hi a hmaa an man zah bawk, mum 100000 man leh a ni.
A vaia methamphetamine an man hi mum nuai 2, kg. 19.452 a ni a, hei hi an hralhna thin anga chhut chuan cheng vaibelchhe 38 chuang hu nia sawi a ni.
Excise & Narcotics department leh Central YMA hnuaia ruihhlo dotu pawl lam chuan methamphetamine hi tualchhung (Mizoram) ah chuan ruihna atana hmang sawi tur an la awm meuh lo tih an lo sawi tawh thin a. Methamphetamine man tam zawk hi chu Mizoram pela tawlhruk tum, helaia an lo man nia ngaih a ni.
Meth mansak hnen atangin man belh
Get real time updates directly on you device, subscribe now.
Next Post