Meth mum nuai 1 man

Excise & Narcotics Department chuan August 22 zing dar 9.15 khan Edenthar Veng Aizawlah methamphetamine kg 9 & gram 782 (mum 100000) an man.
He ruihhlo lei leh hralhnaa inhnamhnawih nia puh mi panga – Manik Debnath (39), Bagber; Ram Chandra Das (35) Boxanagar, Sepahijala, Tripura West-a khawsa ve ve; Zonunsanga (32) leh Lalruatzela (31) Khawmawi, Myanmar-a khawsa ve ve nia inchhal leh Khawpuimawia (32) Khawmawi Myanmar, tuna Edenthar Venga khawsa nia inchhalte an man.
Methamphetamine hi Tahan Myanmar atanga lak niin, Manik Debnath leh Ram Chandra Das hian state danga hralhchhawn atana an tih a ni. Methamphetamine lei leh hralhna sum leh a phurhna atana hman Maruti Bezza Car MZ01 X 0090 pawh man tel a ni a. He thil avanga mante ND&PS Act 1985 tlawhchhanin thubuai siamsak an ni. Thiamloh chantir an nih chuan kum 10 atanga kum 20 chhung jail tan leh sumfai cheng nuai 1 atanga nuai 2 thleng chawitira hrem theih an ni.