Meth siamna hmun hmuchhuak

Meth siamna hmun hmuchhuak
Thawhlehni khan Narcotics Control Bureau (NCB) leh Delhi Police tangkawp chuan a ruka Methamphetamine (meth) siamna lab an hmuhchhuah thu an sawi.
NCB thuchhuah tarlan danin he lab hi ramdanga thawnchhuah tur bakah ramchhung hmun hrang hranga thawn kual tur meth siamna leh sawngbawlna hmun a ni a, damdawi hmanga sumdawng Mexican lam mi langsar tak pawh a inrawlh thuk hle niin an sawi bawk.
He lab-ah hian meth siamna leh a sawngbawlna hmanrua chi hrang hrang an hmuhchhuah thu leh an man nghal thu an sawi a, he lai hmun an luhchhuah lai hian Delhi a sumdawng pakhat chu factory chhungah hian an man tel thu leh Tihar Jail warden pakhat nen dan lova factory dinna kawngah an thawhhlawk hle niin NCB chuan an sawi.
Sumdawngpa, a hming tarlan loh hi a hmanin Department of Revenue Intelligence (DRI) chuan NDPS case-ah an lo man tawh a, Tihar jail-ah dah luh niin hetah hian Jail warden nen hian an inkawp phah chawt ta niin thuchhuahah chuan tarlan a ni.