MFA-in WorldCoaches programme hawng
Mizoram Football Association leh Netherlands Football Federation (KNVB) tangdun chuan Mizorama football coach zirna tur, WorldCoaches programme an nei dawn a, Thawhtanni khan Aizawlah hawn a ni. Netherlands international player hlui leh coach hriat hlawh Johan Neeskens chu chief instructor niin he programmee hian April 21 thleng a awh dawn a ni.
Hawnna programme-ah Johan Neeskens chuan MFA nen an thawhhonaah lawmthu sawiin, coach 70 chuangin training an zawm thei tur chu lawmawm a tih thu a sawi a. An cham chhunga coach-te nen thil tam tak an zir hman a beisei thu sawiin, an thiamna leh zirchhuah ang angte midang hlanchhawng zel turin a chah lawk a ni.
MFA honorary secretary Lalnghinglova Hmar chuan MFA-in a beisei phak loh programme tha tak a thleng thei chu lawmawm a tih thu a sawi a. MFA Golden Jubilee project pakhat a nih thu sawiin, khawvela coach tha ber MFA-in a thawhpui thei chu lawmawm a tih thu leh, coach kalkhawmte chu tih tak takna nen theihtawp chhuah turin a chah bawk.
WorldCoaches hi KNVB hnuaia an zirna programme pakhat a ni a, football coaching piahlamah khawtlang tana tangkai zawka football-in hna a thawh theih dante an zir tel ang.
MFA-in WorldCoaches programme hawng
Get real time updates directly on you device, subscribe now.
Prev Post