January ni 31, 2023 khan MSSC Adminis-trative Building, Ram-hlun Sports Complex-ah ‘MFA Referee Deve-lopment Course’ tan niin, MFA senior vice president PC Vanlal-hruaia’n a hawng a; instructor hi MFA teferee HoD Lal-dawngliana niin, he course hi Aizawl, Ma-mit, Kolasib leh Ser-chhip District atangin referee 44-in an chhim.
February ni 2, 2023 khan ‘theory Class’ zawh fel niin, a tuk, Zirtawpni khan RG Stadium, Mualpuiah fitness test leh theory exam kalpui chhun-zawm a ni.
-- Advertisement --
February 7-10, 2023 chhung hian Lunglei khawpuiah Lunglei, Hnahthial, Siaha leh Lawngtlai district-tan buatsaih a ni kal mek a; February 21-24, 2023 chhungin Khawzawl, Saitual leh Champhai district tan Khawzawl-ah buatsaih tumin ruahmanna siam a ni.
Nimin khan ni li awh tur ‘MFA Referee Development Course’ chu DRDO Conference Hall, Lungleiah MFA senior vice president leh MFA Referee Commi-ttee chairman ni bawk PC Vanlalhruaia chuan hawngin, hawnna hun kaihruaitu hi LDFA president PC Lal-ramnghaka a ni.
Hruaia chuan Re-feree Development Course chhim tura district pali atanga mi 39 an chhuakkhawm thei lawmawm a tih thu sawi chungin rootball hmasawnna’na referee-te pawimawh-na a sawi uar hle a; referee chu hna tha, zahawm leh pawi-mawh tak a nih thu leh referee exam tura kal-khawmte chu taih-mak chhuah zel tur leh hlawhtling theuh tura a duh thu a sawi a, profe-ssional referee ni pha turin a fuih nghal bawk.
Vawiin leh naktuk hian DRDO Confe-rence Hall-ah theory zir chhunzawmin, tlaitin C. Thuamluaia mualah practical an training thin ang a; February ni 10, 2023 zing atangin Lena Stadium-ah fit-ness leh written test an exam ang.