MG Comet EV India-ah tlangzarh
MG Comet EV India-ah tlangzarh
MG Comet EV chu India-ah an tlangzarh a, model chi thum- Pace, Play leh Plush a awm a, MG Comet EV Pace hi Rs 7,98,000 man niin, Play hi Rs 9,28,000 man a ni a, Plush hi Rs 9,98,000 man a ni ve thung. A man hi showroom price vek a ni a, hei bakah hian introductory price a ni a, nakinah chuan hei aia la to leh tur a ni. Tunah hian booking an hawng tawh a, May ni 22 atangin an hralh chhuak tan ang.
MG Comet EV hian 17.3 kWh battery pack neiin, a battery charge full-in km 230 tlan a daih niin an chhal a, electric motor 40 bhp leh 110 Nm torque pechhuak thei a thuam niin, 3.3 kW AC charging a support bawk. A tech leh spec hi a model zawng zawngah a inang vek bawk.
MG Comet EV Pace hi a model hniam ber niin, a chhunglam rawng starlight blck a ni a, steel wheels leh cover a nei a, MG logo eng thei leh chrome door handle a chhung leh pawnlamah a nei bawk. 17.78 cm LCD screen neiin, hei hi instrument cluster angin a hmang nghal a, a steering wheel hnungah a awm. Pace hian remote central locking, electric ORVMs, power windows, manual HVAC system leh foldable key a nei a, infotainment system leh MG i-Smart connected car technology a nei lo nain, speaker pahnih leh bluetooth connectivity a support thung. 12 V socket leh USB port pathum neiin, a safety feature-ah airbag pahnih neiin, a battery hi IP67 rated a ni a, ABS leh EBD a thuam niin, rear parking sensor, LED fog lamp, follow-me-home headlight leh manual day/nigh IRMV neiin, ISOFIX child seat mount a nei bawk.
MG Comet EV Play hian Pace-in a neih ang zawng zawng a neih bakah LED headlight leh LED taillight neiin, a chhunglam rawng space grey a ni a, leather-wrapped steering wheel a nei a, 10.25-inch LCD touchscreen infotainment system neiin, wireless Android Auto leh Apple CarPlay a support a, 55+ connected car feature leh MG i-Smart a support bawk. USB port pathum neiin, fast-charging a support a, mahse, revesre camera leh Smart start system a nei lo tlat.
MG Comet EV Plush hi a model sang ber niin, Pace leh Play-in a neih ang zawng zawng a neih bakah reverse camera leh digital smartphone base key a nei a, smart start system neiin, car start turin a brake leaver vawi hnih hmehin a nung mai dawn a ni.