MGNREGA hlawh tur tichhuak

Sawrkar laipuia Ministry of Rural Development chuan January 9 khan ni 100 inhlawhna – MGNREGA hnuaia job card neitute hlawh tur, wage component cheng vaibelchhe 164.27 a tichhuak.
MGNREGA hnuaia job card neitute hlawh pek dan leh tunhnaia pek chhuah theih a nih loh chhan hi Mizoram Rural Development department chuan mipui hnenah a lo sawifiah tawh a. Sawrkar laipuiin a dawngtu turte bank account-ah direct (DBT) in a thun thin thu te sawi a nih bakah tunhnaiah sawrkar laipui hian a rawn pekchhuah har vanga dawng thei lo an nih thu te a sawi.
Tuna wage component rawn tihchhuah bak la tih fel loh pawh tifel vek tura bawhzui zel a ni tih RD department chuan sawiin, job card neitute chiai lo tur leh dawhthei taka lo nghak turin a ngen tih a sawi a ni.