Mahatma Gandhi National Rural Employment Guarantee Scheme (MGNREGS) a sum lama harsatna awm te chu State sorkar pawhin a phurh ve tho tur a ni a, eirukna thunun a nih nan nasa zawka chet a lak a ngai tiin Union Rural Development Minister Giriraj Singh chuan a sawi.
Hetih lai hian academics leh activists te NREGA Sngarsh Morcha umbrella body hnuaia thawk te chuan tun hnaia Ministry thupek hnuhnung ber hmanga Aadhaar behchhana hnathawh hlawh pek ngei ngei tih chu tha an tih loh thu an sawi a. Ministry thung chuan Aadhaar behchhan hlawh [ek chuan acive worker 57% velin a tihniam thei dawn an ti ve thung.
Minister Dr. Singh chua MGNREGS chu regular employment scheme anga ngaih tur ani lo tia sawiin, hnathawh tur nei lo te chhawmdawln zuaina chauh a nih thu a sawi a. Tunlaia MGNREGA worker tena Delhi a Jantar Mantar a ni 100 dharna huaihawta mobile phone application behchhana attendance lak hnawl an duhna lungawilohna an lantir mekah Minister chuan sorkar chuan langtlang taka thil kalpui a duh zawk a, laangtlang taka thil kalpui daltu engmah a duh lo ati thung a.
“Parliament ah hian MGNREGA law h thlak ni zawk se contribution kalpui dan hi 60-40 in Centre leh State ten insem ila, Centre hian 100% wage bill tum bur tawh lovin” tiin a sawi a. Kum 2023-24 Union Budget ah MGNREGA a sum dah chu a hma kum aiin 33% laiin tihhniamin a awm bawk.
-- Advertisement --
Aadhaar nena thlunzawm
He dan hnuaia hian Centre chuan hnathawk hlawh 100% a tum tur a ni a, chu chu worker’s account ah direct in an hnathawh zawh atanga ni 15 chhungin a pe lut hma tur a ni. January 30 atang khan Ministry chuan hnathawh hlawh pek dan siam danglamna siamin ch chu Febuary 1 atang ahman tan ani bawk a.
A hma zawng chuan MGNREGA system hnuaiah hnathawk hlawh pek dan chi hnih a awm a: ‘accound-based’ leh ‘Aadhaar based’ a kalpui a ni a. A hmasa zawk khi chu bank transfer a ni mai a, a hnuhnng zawk chu Aadhaar chu financial address anga hman niin Aadhaar nena inthlunzawm account a sum dahluh nana hman a ni. Tuna Ministry in thuchhuah thar ber a siamah chuan Aadhaar-based payment chauh chu kalpui tawh tur a ti ta a ni.
NREGA Sangharsh Morcha banner hnuiah press conference neiin Nikhil Dey, Yogendra Yadav leh Jean Dreze te chuan Ministry thupek thar chu MGNREGA programme tana pawi lutuk tur an ti thung.
“Aadhaar-based anga kal a nih dawn chuan worker’s job card leh bank account te chu Aadhaar nena thlunzawm vek a ngai dawn a, chumai bakah account chu National Payments Corporation of India nena thlunzawm ngai a ni bawk a. He inthlunzawmna hi mapping tih niin hautak tak a n thei a, KYC [Know Your Customer] paltlang vek ngai niin, hei vang hian Aadhaar database leh bank account a thil inmil lote chinfel fe a ngai ang” tiin Dreze chuan a sawi.
Thil kalpui vel dan leh kalphung awlsam tak a nih loh avang hian MGNREGA workers 43% te chauhin Aadhaar-based payments hi an hamng mek a, chu chu Ministry record ah pawha a landan a ni a. “He thupek thar hmang hian sorkar chuan worker 57% te chu hlawh pek ve loh tur a tihna a ni” tiin Dey chuan a sawi bawk.
Heng harsatna chinfel vek tur hian leh mobile-based app hmanga workers ten inchinfel pawh tum mahse la, a loh berah kar tam tak a thla a thla inchinfel nan hun mamawh a ni dawn tiin Dey chuan a sawi bawk.
Yadav chua Ministry in hmalakna pahnih a kalpui meka Aadhaar-based payment system a kalpui tur hi Union Budget a he scheme a sum dah nasa taka tihtlem nena inzawl sa thlap a ni a ti a.
“Eng vanga MGNREGA a budget nasa taka tihniam nge an nih a lang chiang tawh mai a ni. Sorkar hi a thiltihah a chiang hle a, thlitfimna nasa tak a kalpui hmangin demand tihhniama sum sen nasa taka tihtlem tum sa a ni” tiin Yagendra Yadav chuan a sawi.
Mahatma Gandhi National Rural Employment Guarantee Scheme (MGNREGS) hi Congress kaihhruai United Progressive Alliance sorkar laia kalpui tan niin India rama mirethei zual te khaichhuahna tura ruahmanna a ni a.
Kum 2014-a BJP tena sorkar-na an chan hnuah pawh khan UPA sorkar flagship programme an kalpui chunzawm tlemte zingah a tel a, tun thlengin an la kalpui chhunzawm ta reng a ni. Mahse, kumin hian nasa takin Mahatma Gandhi National Rural Employment Guarantee Scheme (MGNREGS) a sum dah chu tihhniam a ni thung.