Mi chanchin tha lai kan sawi duh lo a nih pawhin ngawih mai hi a tha – C Lalsawivunga

chanchin a tha lai kan sawi duh lo a nih pawhin ngaih mai a tha zawk tih minister C Lalsawivunga chuan a sawi.
AMC Ward No. XVII campaign office a hawnnaah Aizawl South-I bialtu MLA ni bawk C Lalsawivunga chuan, politics chu Pathian rawngbawlna a ni a, dikna kan nunah a lal ber tur a ni, tiin, “Mi rilru ti na zawnga politics hi khel lo hram turin ka chah duh che u a, mi chanchin a tha lai kan sawi duh lo a nih pawhin ngawih mai hi a tha zawk. Dawt sawi a tha loa, rinthu leh dawt phuahchawp hmanga mi bei loin, thudik tak hmangin politics hi a khelh theih tih hi kan hriat nawn fo ka duh,” a ti.
ZPM chu party inlungrual tak an ni a, hei hi party dang pawhin an huphurhna a ni tih a sawi bawk.
Lok Sabha MP Richard Vanlalhmangaiha pawhin, tunhnaiah sum lapse chungchangah nasa takin ZPM beih ni mah se, sawrkar kalta kha SASCI sum ti lapse tu dik tak an ni, tiin, “Mipui sum nasa taka suasamtu leh party campaign-na dah hialtute an ni a, chu chu mipuiin duh loin 2023 Genral Election-ah mipui thiltihtheihna hmangin tih lapse a ni a, an tlak phah ta a ni,” a ti. AMC sum hmuhna chu urban local body grant piah lamah property tax, licensing leh parking, hoarding hrang hrang nen, heng sourceatanga sum hmuh hi a thahne vem hle a, chu chu mipui atanga lut vek a nih angin chu sum hmanna chu mipuiin kan hriat ve vek a tul tih a sawi a ni.