Mi hmai chei rei record siam

Mi hmai chei rei record siam
Nigerian makeup artist, Theresa Emegwara, kum 28, chuan mi hmai chei rei ber record a siam. Emegwara, TesGlam tia hriatlar hian August ni 19, 2025, zing dar 7:15 khan darkar 103, minute 25 leh second 34 mi hmai chei sakin record a siam chiah a, mahse, a la tawpsan chuang lo, darkar 144 thlen a tum.
Emegwara hian Glam 4-144 tiin a record siam beihpui thlak hi a hming a phuah a, amah tawiawmtu te chungah lawmthu sawiin, “Min fuih a, min au phurtu te leh record ka siam theih nana an hmai ka chei tura inpe te chungah lawmthu ka sawi. A hautak ngar ngar khawp mai, tap chunga tawpsan mai tum lai te pawh ka nei hman a ni. Mahse, kan la zo lo, ka tum ram chu darkar 144 a ni,” a ti.
Emegwara chuan Glan-4-144 hi August ni 14 atang khan a tan a, ni ruk chhung chhum lo chat lova mi hmai chei a tum. Guinness guideline-ah chuan darkar khatah chawlh minute 5 zel a nei thei a, a chawlh neih hi a khawl thei bawk. He a chawlh neih chhung hian ei leh in, inthiar leh intihfai leh muttluk sek te a tih vek a ngai a ni.