Mi pathum thihna chungchangah Myanmar-ah kal
Thla hmasaa mi pathumte thihna chungchangah Inrinni khan Lawngtlai atangin Central YLA hruaitute’n Myanmar-ah kalin khawtlang hruaitute leh hel pawl hruaitute an bia.
Central YLA hruaitute hi Myanmar-a Nghalang khuaah an kal a, Nghalang khawtlang hruaitute leh Myanmar sipai sorkar paih tuma beitu CDF (Chin Defence Force) hruaitute nen an inbia.
Central YLA president HC Vanlalruatpui chuan boral ta mi pathumte chuanna motor lak an tum thu leh Nghaling khawtlang hruaitute leh CDF hotute nen a hmuna an en thu te a sawi a, motor hi a chhiat nasat loh thu sawiin, Bualpui Sub Headquarters YLA, Niawhtlang Branch YLA leh Chhuarlung Sub Headquarters M|P te’n chawlhkar tharah motor hi la se tia thu an dah thu leh Thawhtanni khan motor hi lak tuma an chhuah thu te The Aizawl Post a hrilh.
March ni 22 khan mi pathum, Siaha-a cheng mi pahnih leh Chhuarlung-a cheng mi pakhat chu thi-a hmuh an ni a, Nghalang atanga km 7 vel, Mizoram lamah an ruang hi hmuh a ni.
YLA president chuan mi pathumte vanduainaa kutthawhtute hi Lai tawng leh Mara tawng hmang ni lo, kawl tawng hmang nia hriat an nih thu a sawi a, Nghalang khuaa an biakte hian an lo ngaihven tur thu an sawi tih a sawi bawk.
Mi pathum thihna chungchangah Myanmar-ah kal
Get real time updates directly on you device, subscribe now.
Prev Post