Mick Jagger leh Melaine inhual

Mick Jagger leh Melaine inhual
Mick Jagger, kum 81, leh a longtime tawih Melaine Hamrick, kum 37, te chuan an inhual thu an puang a, kum hnih thum vel chu an lo inhual reng tawh niin an sawi.
Melaine hian Paris Match interview-ah an inhual thu hi sawi chhuakin, 2014-a intawng kha an ni a, “Engtikah emaw chuan kan la innei maithei a, nei lo thei bawk,” a ti a, “Tuna kan awmdanah hian kan hlim dun a, thil an tihdanglam ka la ngam chiah lo,” a ti.
Japan-a intawng an ni a, ballerina Melaine, kum 37, hi American Ballet Theatre-ah telin, Japan-a tour an nei a, Rolling Stones-in Japan an lo tlawh ve bawk a, hetah hian intawngin, chutih lai chuan Jagger hi model boral taw L’Wren Scott nena an inzui lai niin, Melaine erawhin a ‘single’ niin a sawi a, zawi zawiin an inkar chu a insiam chho ta niin a sawi bawk.
Mick Jagger hian kawppui a lo nei nual tawh a, 1971 leh 1978 inkar khan actress Bianca Jagger nen inneiin, fanu Jade (kum 53 mi a ni tawh) an nei a, a kawppui hrang hrang lakah fa pasarih Karis, 54, Elizabeth, 41, James, 39, Georgia May, 33, Gabriel, 27, leh Lucas, 25 te a nei tawh bawk.
Jagger le Melaine te pawhin 2016 khan fapa Deveraux an nei a, tunah chuan mipa naupang kum 8 mi a ni ve tawh bawk.
Mick Jagger leh Melaine te hi kum 44 ngawtin an inthlau a, an kum inthlauhna chuan an inkarah harsatna a thlen em tia an zawhna chu Melaine chuan, “Chutiang lam ka ngaihtuah lo. Mitinin ngaihdan hrang theuh an nei dawn tho. Midang ngaihdana kan buai dawn chuan he damchhungah hian harsatna kan ngah ngawt ang,” a ti a, “Ka hlim em? Aw hlim e. Ka nuna mipawimawh te an hlim em? Aw hlim e. Midang natna ka thlen em? Aih thlen lo. Midangah nunah buai lo ila a tha mai,” a ti bawk.