Mihringte timang thei hialah AI ngai

Artificial Intelligence chuan mihring a timang thei hial ang tiin mithiamte chuan an sawi a, chung zingah chuan OpenAi leh Google Deepmind hotu lawk te pawh an tel.
Centre for AI Safety webpage a thuchhuah intawm an siam hi thlawptu tam tak an awm nghal a.
“AI avanga mihring te mang theihna laka inven chu societal-risk dang heng pandemic leh nuclear war te ang tluka ngaih pawimawh tur a ni,” tiin an sawi a.
Chutih rual chuan thenkhat te chuan aloa luakchhuaka pawng hlauhthawnna insiamsakna an ti ve thung.
He thuchhuah intawmah hian Sam Altman, chief executive of ChatGPT-maker OpenAI, Demis Hassabis, chief executive of Google DeepMind leh Dario Amodei of Anthropic te chuan hming an ziah hnan a ni.
Centre for AI Safety website chuan chhiatna a thlen theih tarlangin:
n AI chu ralthuama hman theih a ni – entir nan, drug-discovery tools te chu chemical weapons siam nana hman theih a ni.
n AI hmanga information dik lo pekchhuah chuan society tibuaiin ‘a huhova thutlukna siam a namnul vek thei’ an ti bawk a.
n AI thiltihtheihna chu mitlemte kutah a lut tial tial ang a, chung mi te chuan surveillance leh censorship na tak hmangin chet an la thei
n Mihring te tihchak loha awmin mihringte chu AI-ah film Wall-E a tihlan ang mai khan innghahna a thlen thei, an ti bawk.
Dr Geoffeey Hinton, a hma lawka super-intelligence AI hlauhawmna sawitu chuan Centre for AI Safety te thuchhuah hi a thlawp thu a sawi bawk a. Yoshua Bengio, Univerdity of Montreal a computer science professor pawhin a thlawp bawk.
Dr Hinton, Prof Bengio leh NYU Professor Yann LeCun te pathum hi ‘godfather of AI’ tia hriat lar niin kum 2018 khan computer science lama thawhhlawkte hnena pek thin Turing Award an dawng a ni.
Chutih laiin mithiam tam tak te chuan AI chuan mihring mihrinna a namnul vek thei dawn tia ngaihna chu awm ang lo an ti thung a.
Arvind Narayanan, Princeton University-a computer scientist chuan a hmain sci-fi ang chhiatna thleng chu thil thleng thei a ni lo a ti a. “Tunah chuan AI hian chutianga nasa a tih theih a la nei lo,” tiin a sawi.
Oxford’s Institute for Ethic-in AI senior research associate Elizabeth Renieris chuan tuna hlauhthawnawm awm thei a awm a ti thung a, “AI lama hmasawnna chuan thutlukna siamna lamah thleibik nei takin a siam thei zawk,” tiin a sawi a. AI chuan information dik lo leh thil nihna ni lo te a thehdarh vak thei zawk a, digital divide nasa tak siamin a hmang lote nena intluktlanna nasa takin a kar a tizau thei a ti thung.
AI tools tam ber te chu tun dinhmunah a thlawna hman theih vek a ni tiin Renieri chuan a sawi bawk a. A tam ber te chu human-created content zula zirtir an ni a, text, art leh music te an tithei a, a siamtute chuan hausakna leh thiltihtheihna nasa tak private entities te atangin an transfer a ni tiin a sawi bawk.
Centre for AI Safety director Dan Hendrycks chuan AI in hma lam huna pawina a neih theih leh tuna hlauhthawnna te chu pawng hnial ngawt tur a ni lo a ti thung a. “Vawiina harsatna awm thei te chinfel chuan naktuka thil hlauhawm thleng thei te a ven theih a ni,” a ti ve thung.
AI chu mihringte timang thei a nihna media lama aupui vakna chu March 2023 khan Tesla boss Elon Musk an open letter hmanga AI technology thar zel siam tumna tihtawp a nih theih nana ngenna a siamin a tizualkai a.
Lehkhathawnah chuan mihring ni miah si lo mahse mihringte aia thiltithei leh fing zawk min thlaktu tur kan siam dawn em ni tiin zawhna a siam a ni.
AI chu mihringte tana a hlauhawmna chu nuclear ralthuam nena tehkhin a ni bawk a. Tun hnaiah OpenAI te pawhin superintelligence chu nuclear energy thunun anga thunun ngai tiin “AI kaihhnawihah hian IAEA [International Atomic Energy Agency] ang kan mamawh ang,” tiin an sawi.
Chutihrualin AI chu mihring te tana thatna leh hlutna sang tak nei a ni a. Tun hnai lawkah pawh Sam Altman leh Google chief executive Sundar Pichai te chuan british prime minister te nen AI egulation chungchang an sawiho bawk a.
Rishi Sunak chuan, “Tun hnaiah AI hmangin paralysed a che thei tawh lo te kea an kal leh in hmu a, antibiotics thar hmuhchuah a ni bawk a. Mahse, a him leh tha thei ang bera kalpui a nih theih nan tihtur kan nei a ni” tiin a sawi.
“Kan him tlan vek theih nan khuahkhrihna kan siam a ngai a. AI chuan pandemics leh nuclear wars ang bawkin mihring te mangna a thlen thei tihah hlauhthawnna an nei ang” a ti a, “Sorkar chuan ngun leh uluk takin a thlithlaia hlauthawng lo turin a ngen a ni” tiin Sunak chuan a sawi bawk.