Miley Cyrus ‘Flowers’ a chuai thei lo
Miley Cyrus hla hit ‘Flowers’ chu Billboard Global 200 chart-ah a No.1 a, a zawn ni kher lova he chart-a kar riat a No.1-na a ni ta. He hla hi a album thar ‘Endless Summer Vacation’-ah dah telin, a album pawh Billboard 200 (albums) chart No.3-ah a debut a, album thar tlangzarh hnuah a hla pawh a lar thar leh ta deuh a ni.
Billboard Global 200 hi kar khar chhunga khawvel huapa hla lar dan tehna niin, chart ranking siam hian official-only streams (subscription leh ad-supported audio leh video music services) leh download sales te chu tehna pawimawh a ni.
Miley ‘Flowers’ hi stream maktaduai 104.6 leh download sales 32,000 a la tling a, hei hi chart-ah a No.1 pui leh ta a ni. He hla hi khawvel huapin kar ria
t chhung chu kartin stream maktaduai 100 a tling tawh a, hetiang ti thei hla pahnihna niin, a pakhatna cu The Kid LAROI leh Justin Bieber ‘Stay’ niin, August-October 2021 khan hetiang record hi a lo siam tawh a ni.
The Weeknd leh Ariana Grande ‘Die for You’ chu No.2-ah bawk awm lehin, chart No.1 hlui Karol G leh Shakira ‘TQG’ chu No.3-ah bawk a la awm a, chart No.1 hlui bawk SZA ‘Kill Bill’ pawh No.4 a la ni a, PinkPantheress leh Ice Spice ‘Boy’s a Liar, Pt.2′ chu No.6 atangin No.5 a kai thar ve leh ta bawk.
-- Advertisement --
Billboard Global 200 Top 10:
1 Flowers – Miley Cyrus
2 Die For You – The Weeknd & Ariana Grande
3 TQG – Karol G x Shakira
4 Kill Bill – SZA
5 Boy’s A Liar, Pt. 2 – PinkPantheress & Ice Spice
6 Calm Down – Rema & Selena Gomez
7 Last Night – Morgan Wallen
8 Bzrp Music Sessions, Vol. 53 – Bizarrap & Shakira
9 As It Was – Harry Styles
10 Creepin’ – Metro Boomin, The Weeknd & 21 Savage