Miley Cyrus hla hit ‘Flowers’ chu Billboard Hot 100 (singles) chart-ah a No.1 a, he chart-a kar hnih a zawna a No.1-na a ni ta. Billboard Hot 100 hi kar khat chhunga US-a hla lar dan tehna niin, chart ranking siam nan hian all-genre US streaming (official audio leh official video), radio airplay leh sales data te chu tehna pawimawh a ni.
-- Advertisement --
‘Flowers’ hi kar khatah stream maktaduai 59.8 a la tling a, radio airplay-ah ngaithlatu maktaduai 40.8 neiin, sales 65,000 a tling bawk a, hei hi chart-ah a No.1 pui leh ta a ni.
SZA ‘Kill Bill’ chu stream maktaduai 34.1, sales 2,000 leh radio airplay-ah ngaithlatu maktaduai 38 neiin No.2 a la ni a, chart No.2-ah hian kar thum chhung a awm ta a, he hla hi a No.1 album ‘SOS’ atanga a lead single a ni a, a album pawh hi kar sarih chhung a zawnin Billboard 200 chart-ah a No.1 tawh nghe nghe a ni.
Chart No.1 hlui Taylor Swift ‘Anti-Hero’ chu No.3-ah bawk a awm leh a, Metro Boomin, The Weeknd leh 21 Savage “Creepin'” chu No.4-ah bawk awm lehin, chart No.1 hlui Sam Smith leh Kim Petras ‘Unholy’ pawh No.5-ah bawk a la awm.
David Guetta leh Bebe Rexha “I’m Good (Blue)” chu No.6-ah bawk awm lehin, The Weeknd ‘Die for You’ pawh No.7-ah bawk a la awm a, Drake leh 21 Savage ‘Rich Flex’ pawh No.8-ah tho a la awm a, chart No.1 hlui Harry Styles ‘As It Was’ chu No.10 atangin No.9-ah a insawn leh hret bawk.
Top 10 khartu chu JVKE (a hming tak Jake Lawson) niin, a hla tar ‘Golden Hour’ chuan stram maktaduai 14, radio airplay-ah ngaithlatu maktaduai 29.1 leh sales 2,000 neiin, chart No.10-ah a debut a, he chart top 10-a a lan vawi khatna a ni bawk. JVKE hi Rode Island chuak niin, Rhode Island a piang zingah Hot 100 chart top 10-a lang thei hmasa ber a ni bawk.