Miley Cyrus-i’n Platinum kai hla 2 neih belh

Miley Cyrus-i’n Platinum kai hla 2 neih belh
Miley Cyrus hla pahnih ‘Flowers’ leh ‘Used to Be Young’ chuan Recording Industry Association of America (RIAA) platinum caetification a nei thar a, tihian Miley hla RIAA certified platinum kai thei chu hla 23 a tling ta a ni.
RIAA platinum certification hi US-a hla emaw album emaw maktaduai hralh tlin theih chhinchhiahna a ni a, ‘Flowers’ hian 7x Platinum kaiin (US-ah maktaduai 7 hralh tlin theih tihna a ni), ‘Used to Be Young’ hian platinum a kai ve ta bawk.
Hla hralh zat an chhut danah hian a physical record hralh bakah digital song sale (on-demand audio/video stream 150 leh hla pakhat hralh intluk angin an chhut) te belhkhawm thin a ni. Tunhma chuan a tak taka an hralh chauh chhiar thin a ni a, mahse, tunhnaiah streaming hian rimawi market-ah hmun a chan san tak em avangin February ni 1, 2016 atang khan streaming hi an belh tel ta a ni.
Miley hian platinum records 23 a neih tawh baka 2010-a a hla hit ‘Party in te USA’ chuan diamond certification a kai tawh bawk a, diamond certification hi chu US-a maktaduai 10 hralh theih entirna a ni ve thung.
Miley hla hit ‘Flowers’ hi a pasal hlui Liam Hemsworth a phuahna ni a ngai an tam viau a, a studio album pariatna ‘Endless Summer Vacation’-ah kan telhin, he album hi March 2023 khan a tlangzarh a, ‘Flowers’ hi Billboard Hot 100 (singles) chart-ah kar riat a No.1 thei a, a album pawh hi Billboard 200 (albums) chart-ah No.3 a kai thei bawk.
2024 Grammy-ah ‘Flowers’ avangin Miley pawhin a Grammy hmasa ber dawngin, best pop solo performance leh record of the year a dawng a, Grammy-ah hian he hla hi a perform nghal bawk.