Miley ‘Flowers’ a la lar ber

Miley Cyrus hla hit ‘Flowers’ chu Billboard Global 200-ah a No.1, he chart-a kar nga a No.1-na a ni. Hetihrual hian PinkPantheress leh Ice Spice te pawh a vawi khat nan chart top 10-ah an lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian khawvel ram hrang hrang 200 chuang a official-only streams (subscription leh ad-supported audio leh video music services) leh download sales te chu tehna pawimawh a ni.
Miley ‘Flowers’ hi kar khat chhungin stream maktaduai 128.8 leh download sales 45,000 a la tling a, hei hi chart-ah a No.1 pui leh ta a ni. He hla hi kar nga chhung a zawnin kartin stream maktaduai 100 chuang a la tling ziah a, hetiang ti thei hla awm chhun a la ni.
Chart No.1 hlui SZA ‘Kill Bill’ chu No.2-ah bawk awm lehin, Bizarrap leh Shakira ‘Bzrp Music Sessions, Vol.53’ pawh No.3-ah bawk a la awm a.
English singer-songwriter leh American rapper thawk dun, PinkPantheress leh Ice Spice ‘Boy’s a Liar, Pt.2’ chu stream maktaduai 60.1 leh download sales 1,000 tlingin No.15 atangin No.4-ah a invawrh a, he cart top 10-a an lan vawi khatna a ni. He hla hi PinkPantheress original solo ‘Boy’s a Liar’ nikum November-a tlangzarh tawh remix a ni.
Billboard Global 200 Top 10:
1 Flowers – Miley Cyrus
2 Kill Bill – SZA
3 Bzrp Music Sessions, Vol. 53 – Bizarrap & Shakira
4 Boy’s A Liar, Pt. 2 – PinkPantheress & Ice Spice
5 Unholy – Sam Smith & Kim Petras
6 Calm Down – Rema & Selena Gomez
7 As It Was – Harry Styles
8 Creepin’ – Metro Boomin, The Weeknd & 21 Savage
9 I’m Good (Blue) – David Guetta & Bebe Rexha
10 Escapism – RAYE Featuring 070 Shake

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More