Mimi Rentlei a la chuai lo

MZU Virthli Runway Showdown-ah ‘Tunge Ruati I Ngaihzawng” tih hla ngei mai kha a rawn perform a, a thiam a la theihnghilh lo. A la nalh reng bawk. Runway-a Mini Rentlei rawn chhuak chu model zinga pakhat emaw tih mai pawh awl tak tur a ni!
Mimi dress hi Escape Engmawia kutchhuak niin, Mimi chuan, “Measurement la miah loin a thui a. Ka ha tawk tho. A thiam lutuk. Medium ka ha tih chiah ka sawi. Mizo measurement hi chu a hre bel tawh viau a ni,” a ti.
Mimi chuan Engmawia nen an thawh dun vawi khatna a nih thu a sawi a, “Tunhma deuh, kum 10 vel kalta te khan min rawn sawm ve tawh thin a, mahse, a remchang lo thin a. Ka hman remchan loh lai a ni thei khawp mai a, Aizawla ka awm loh lai leh hmun danga ka awm lai a ni thei khawp mai. Tun tumah hian min rawn sawm ve leh a, Runway Showdown hi ka ti fo tawh lo pawh a ni thei a, a ti a. Kan awmna atangin a lo hnai bawk a, kan han tel ve ta a ni. A lawmawm tak tak a ni,” a ti.
Mimi hian ‘Tunge Ruati I Ngaihzawng’ tih hla rawn sain, “A lunglenthlak ve khawp mai. A hla hrim hrim kha tunlaiah chuan thalai deuh zingah hre lo an awm fur tawh ang a, mahse, a lo tuipui ve tawh thinho kha chuan lunglen thlak an ti ve. Keini pawhin kan lo buaipui ve nasa thin a,” a ti.
Mimi chuan zai lama rawn comeback leh erawh a la tum rih lo niin a lang a, “Zai hrim hrim chu tunlai chu ka in-fit ve lutuk, ka zai theih lai tak a ni. Zai hi chu nuam ka ti reng,” a ti a. Mahse, rimawi khawvela rawn comeback lam chu a la lang rih lo, “Hun hi a awm rih lo, thil reng reng hi inkap deuh thung a awm hi chuan a nalh duh lo, a tha duh lo. 100% pek theih loh chuan ka thiam thin lo. 100% pek theih hun te a awm ve leh mah na,” a ti.