Minister-in Khawiva Sub Station thuam chak dan tur ruahman pui

Minister-in Khawiva Sub Station
thuam chak dan tur ruahman pui
Power & Electricity minister F Rodingliana chuan chhim lam power pek chhawnna hmunpui ber Khawiva 132kV Sub-Station Lunglei chu Thawhlehni khan tlawhin a dinhmun a enfiah.
Khawiva Sub-Station a transformer lian 12.5 MVA pahnih dah chu kum 2008-a siam a ni a. Kum 18-a upa an nih tawh avangin a thara thlak turin minister hian ruahmanna a siampui. Khawiva Sub-Station atang hian chhimlam – Lunglei, Lawngtlai leh Siaha power pek a nih avangin a pawimawh a, thawmthat zel a tul tih a sawi.
Ruahman ang chuan, Khawiva Sub Station-a transformer hlui pakhat zawk hi Vankal Solar Plant-a transformer 12.5 MVA tho chhia thlakna turin sawn nise, Vankal Solar Park-a transformer chhia thlakna atan a thar leina tur procurement order pek chhuah a ni tawh a, transformer thar hian helai rawn thleng turin thla hnih – thum a ngai dawn a, sawrkarin Vankal-a transformer chhia avang hian power tharchhuah tur ang a tharchhuah theih loh avangin nitin nuai tam tak a chawi mek a, hei vang hian tuna Khawiva-a transformer hlui pakhat zawk, hman loha awm chu dah lailawk rih nise, a thar lo thlen veleh a thar zawk hi Khawiva-a dah turin ruahman a ni.