Minister Er Lalrinawma chuan kar kalta khan a bial chhung leh a department chana hmunhma thenkhat a tlawh.
Inrinni zing khan Animal Husbandry & Veterinary Complex Repubic Veng ami a tlawh a. Department ramte chu thawktuten enkawl uluk zel a, mahni ta anga huma vawnhim a that thu a sawi. Kan ram neihte chu vawng thianghlim a, building leh quarter te pawh a him leh him loah thui taka a mawh phurtu chu thawktute leh luahtute an ni, tiin, hmun awl remchangah thing phun belh tura hmalak nise a duh tih a sawi a ni.
Tuikum bialtu MLA ni bawk Er Lalrinawma hian a bial chhung Hmawngkawn khuaa hmasawnna hnathawh kal mek leh sawrkar hmunte a tlawh a. Hmawngkawn khelmual laih mek, laih chhunzawn dan tur a en bakah Anganwadi Centre, Govt Primary School, MHIP In leh Health Clinic Centre te a tlawh a; Chhuanthar Tlangnuam atanga Tuipui panna link road laih mek a en leh a ni. Hemi ni hian Hmawngkawn leh Chhingchhip inkar kawng, MLA Fund hmanga laih that km.9 a thui chu a hawng bawk.
Minister-in sawrkar hmun tlawh
Get real time updates directly on you device, subscribe now.
Prev Post