Minister-in Self Help Group ho kawm

Rural Development minister Prof. Lalnilawma chuan Thawhlehni khan MzSRLM hnuaia self help group (SHG) member-te chu inbiak hmuh theihna (video conferencing) kaltlangin a kawm a. RD Block 28-a SHG member-te telin, SHG member hrang hrang atangin MzSRLM kaltlanga an hamthatna hmuhte leh hma an sawnna ngaihthlak niin, hei bakah hian SHG member-te atanga zawhna awmte chu minister hian a chhang a ni. SHG tihchangtlun zel dan tur leh nasa lehzuala SHG-ten hma an lak zel theih dan tur sawiho a ni bawk.
Mizoram State Rural Livelihoods Mission (MzSRLM) hnuaiah hian district 11 leh RD Block 28-ah hma lak mek niin, an hnuaiah hian SHG member 10425 din an ni tawh a, member 81829 an awm mek. SHG member-te hi eizawnna ngelnghet an neih theihna turin kawng hrang hranga puih niin, community funds an puk tur pek an nih bakah an eizawnna atana an mamawh training pek thin an ni.