Minister ten office luah tan

Kar kalta Inrinnia chief minister Lalduhoma’n a office a luah hnu ah cabinet minister pasarih leh minister of state pali chuan Thawhtanni khan New Secretariat – MINECO a an office an luah tan.
Cabinet minister – K Sapdanga, Vanlalhlana, C Lalsawivunga, Lalthan-sanga, Dr Vanlalthlana, PC Vanlalruata leh Lalrinpuii te bakah minister of state – F Rodingliana, B Lalchhanzova, Prof Lalnilawma leh Lalnghinglova Hmar te chuan an office luah tanin, an department chan hotute, chhungkhat laina, party hruaitute leh thuthar thehdarhtuten an hmanpui a ni.