Local council leh village council chungchanga minister Lalrinpuii thusawi duh dan chu tha lo an tiin, pawi an tih thu Aizawl City Local Council Association chuan an sawi a. Thawhpui tha duh lo tih hi an zawt.
Aizawl City Local Council Association (ACLCA) thuchhuak chuan, kumin June 10-a ZPM Southern Hqrs. Lunglei inkhawm a hmanpuinaah Health minister Pi Lalrinpuii hian, VC leh LC te kan mi leh sa an nih loh avangin min thawhpui tha duh lo, a ti niin a sawi a. Kalphung thar, mipui sawrkarah hian thawh ho pui tur emawa sawmna thu pawh an la hriat loh laiin, ram hruaitu lu minister-in hetianga thu dengkhawng deuh a sawi chu pawi an tih thu a sawi.
‘Khawtlang mipuiin kum 5 chhung atana 2020 September-a min thlan, khawtlang mipui innghahna berin an thawhpui theih loh anga sawi a ni hi pawi kan ti a. VC leh LC hian khawtlang leh ram thatna tur chuan state sawrkar thawhpui kan inhuam reng a ni,’ a ti.
Ram leh khawtlang rorelna kawngah theihtawpa tan la tlang a, mipui sawrkar, kalphung thar hnuaiah ke pen ho tur an nih lai a, ram hruaitu lu in thu dengkhawng tak, a changtu minister pawh niloin a sawi chu an ngai thutak hle a, minister hi khawi VC leh LC in nge thawhpui duh lo tih hriattir se an duh hle tih ACLCA thuchhuah hian a sawi a ni.
Minister thusawi dan pawi an ti
Get real time updates directly on you device, subscribe now.
Prev Post
Next Post