Minute 1-a pull up titam thei record siam

Harvard Law School lectirer Adam Sandel aka ‘Professor Pull-Ups’ chuan minute khatah pull up vawi 77 tihmanin, record thar a siam leh ta. Adam, kum 38, hian a hmain hetiang record hi a lo siam tawh a, mahse, a record siam hi 2020 khan Chinese Hong Zhongtao chuan minute khata pull up vawi 74 tiin, pull up vawi 6-in Adam-a record hi a rawn khum a, tunah Adam hian Hong-a record hi a khum ve leh ta a ni.
Adam hian pull up record hi tum nga a siamna a ni tawh a, a record hmasa ber chu 2016 khan siamin, chumi tum chuan minute khatah pull up vawi 51 a tithei a, a khat tawkin ama record pawh hi a khum ve leh thin a, 2020-a Hong-a’n a record a rawn khum hnuah, kum li chhung inbuatsaihin, record a rawn siam ve leh ta a ni.
Adam chuan pull up chu thahrui leh tawrhchhelna teh nana thil tha berte zinga mi ni a sawiin, “He record hi mi tam takin thil harsa leh khirh ber te zingah an dah a, tunhnaiah heti lama intihsiakna pawh hi a tam chak khawp mai,” a ti.
Pull Up chu exercise lak dan hahthlak zet mai niin, chunglama thil khamah kut pahnih hmangin an uai a, kea lei rap lovin an uai kang a, tichuan kiu-ah ban tithlepin an inpawt kang a, an uaina thil kham chungah an khabe an dah chhuak a, chumi hnuah kiu timarin an uai thla leh thin a, kiu chu timar at tur a ni a, kawng (waist) pawh a ngil atin a awm tur a ni.