Mipa buma pasal tam tak nei hmeichhia chhui

Mipa buma pasal tam tak nei hmeichhia chhui
Kerala police chuan dawt sawia pasala mi nei teuh nia sawi thubuai an chhui mek a, he hmeichhia hian an state-a district hrang hrangah mipa pasarih vel pasalah a nei niin an hria.
An mi rinhlelh hi Ernakulam-a cheng, Reshma niin fa kum hnih mi a nei a, Zirtawpni kal taa pasal a neih hma lawkin man a ni.
A pasal neih tum, panchayat member pakhatin a ipte-ah a hma ni 45 liam ta lekah khan pasal a nei tih lanna lehkha a hmuh chhuah atangin chhuia man chhuah a ni.
A pasal neih tum hian a lehkha hmuh avang chuan ringhlelin police hnenah a thlen a, inneihna hmun tur a pan hma lawkin an man ta a ni.
Police-in an sawi dan chuan Reshma-i hian online marriage advertisement tichhuakin pasal tur a zawng thin a. An man chhuah hma hian pasala a neih tum hnuhnung ber, panchayat member pawh hi nupui/pasal zawnna group-ah a number a pe lut ve a, heta tang hian hmeichhia, Reshma-i nu nia insawi nen an inbepawp zui ta a ni.
An inbia a, Reshma-i nen pawh hmaichhanah an inhmu zui a, number inpea inbe zelin an inhual zui ta a. A pasal neih tum hnenah hian dawtin a chanchin a phuah a, a chhungte hian an la a, an tiduhdah thin hle a, an inneihnaah pawh tumah an kal ve dawn lo niin a sawi a ni.
Thuneituten an man chhuah hnuah hian mipa engzat chiah nge a lo neih tawh tih an chhui zui mek a ni.