Mipa hmel hlimin hmeichhia a hìp lo!

Hmeichhia ten mipa hlim hmel taka nui deuh var var reng ai chuan inhmuamûp deuh leh chapo hmel deuh tak an duh zawk niin zirchianna neitu ten an sawi tlat mai.
Zirchianna neitu ten an sawi dan chuan hmeichhia ten mipa, induh hmel deuh tak emaw zahzum hmel deuh te chuan hlim hmel taka nui deuh var var ho aiin an duh zawk niin an sawi a, chutih laiin mipa te erawhin hmeichhe hmel hlim thei tak an duh zawk thung. A inletling hlauh a nih chu!
University of British Columbia, Canada-a psychologist ten zirchianna hi neiin, mipa leh hmeichhia 1000 chuangah survey an nei a. Mipa leh hmeichhe hrang hrang te chu thlalak chi hrang hrang, hmel lan dan chi hrang hrang an en tir a, chuta tang chuan hmeltha an tih zawng leh an duhzawng te an thlan tir leh a.
Hmeichhia te chuan mipa hmel hlim, nui deuh aiin chapo leh induh hmel deuh an duh zawk tlat a, chutih rualin mipa zahzum hmel tak, zah vanga kimki deuh hmelpu te pawh an duh zawk tlat bawk.
He zirchianna chungchang hi journal Emotion-ah tarlan a ni.