Mipa rinawm lo hi thil mak a ni lo!
Relationship lama mithiam ten zirchianna an neih hnuah mipa ten an kawppui te hmangaih reng chung leh inthen duh hauh si lo chung pawhin an rinawm loh san mai thin niin an sawi.
Sociologist Eric Anderson, University of Winchester, Britain a mi chuan zirchianna neiin, scientific takin mipa kawppui nei mi 128 a thlang chhuak a, chung ho chu a zirchiang ta a. Heng mipa 128 zinga 78% te chuan an kawppui/ngaihzawng te hmangaih tho siin an rinawm loh san a, an kawppui te an rinawm loh vang hian inthen erawh an duh chuang lo.
Eric Anderson chuan mipa ten hun remchang tawng sela, mi danglam bik tak an nih loh chuan an kawppui te hrit lohah lo rinawm loh hi an hnial mang lovang. Mahse, chuvang chuan an kawppui te an hmangaih lo a, inthen an duh tihna erawh a ni leh chuang der si lo, a ti.