Mipa tana kalsan chi hmeichhia

Hmeichhe thenkhat mipa tana hnaih loh atana tha zawk an awm, an tih tlat chu. Chutiang hmeichhia nena chen dun emaw inngaihzawn emaw chu a hahthlak a, hlimna aiin buaina leh harsatna an thlen hnem zawk niin relationship lama mithiam ten an sawi. Chutiang hmeichhia te chu kan rawn tarlang e:
1. Hmeichhia thunei zawk nih tum ran mai, in tih tur leh chhuah vahna tur reng reng thlang zat zattu. I awm ve ta lo emaw tih mai turin a duh dan danin thil a ti thin ang.
2. Hmeichhe sum duh lutuk, mipa neih ei tum ran ang chi te. Eng emaw, a duh zawng tak lei sak turin a ti che a, pawisa i neih loh thua i chhan hnuah pawh, “I neih hunah aw,” a la ti ta talh a. Thilpek dawn te nuam a ti a, amah lah chuan engmah pek let che a tum der si lo.
3. Hmeichhe tawng duh lutuk, engtik lai pawha sawi tur hre reng mai ang chi te. A thiante chanchin pawh a sawi deuh reng a, a thiante nen an inhmukhawm let let reng a, privacy pawh in nei hman meuh lo ang.
4. Hmeichhia, mipa dang inthik tir nana mipa dang ngaizawng niawm taka awm ching te.
5. Mi khaikhin ching te lakah chuan i mark a tha thei tak tak lo ang. I theih tawp chhuah mah la, a ngaihzawng hlui emaw midang tuemaw nen a khaikhin deuh reng ang che. Ani chuan a chuti/khati thin, te a ti ang a, i rilru natna a thlen fo ang.
6. Hmeichhe phunchiar lutuk bulah chuan i hlim tak tak thei lo ang. I thil tih leh awmdanah sawisel tur a hre deuh reng ang a, i tih thatah a fak ngai lo ang che. I inrintawkna zawng zawng i hloh phah vek zawk ang.
7. I thiante zawng zawng a ngaithei lo em em a, amah chauh ngaihven huam turin a duh che. I thiante kawm tur pawh chhuanlam i zawn ngial a ngai ang.
8. Hmeichhe thikthu chhe lutuk bulah chuan i hlim thei lo vang. I hmeichhe thiante zawng zawng a thik ang a, i mobile-a hmeichhe number lo lang hlekah a tum nghal buau zel ang.
9. Thlakhat vel in inngaizawng awrh tihah inneih a rawt nghal a! Hriat pawh inla hrechiang hman der si lo. Chutiang hmeichhia chu kalsan rang rawh.
10. Hmeichhe dinhmun chawisan lam tuipui lutuk te bula awm chu mipa tan a hahthlak. Eng emaw hleka mipa te engmah an nih bik loh zia leh, hmeichhia te pawhin an tih ve theih thu te a sermon chiam zel ang. A bialpa i nih vang pawhin a zahpah hauh lovang che.