Mipain a hmang mai mai che em?
Inngaihzawnnaah hian kan kawppui ten an duhzawng tihpuitlin nan min hmang mai mai lek a ni em tih hi kan hrethiam lo fo thin. Kan hriatchhuah meuh chuan a lo tlai tawh a, kan kehchhe ta thin. Tun tum chu mipain a duh tak tak si lo chein, a duhzawng tihpuitlin nan a hmang kual vel mai mai che em, tih hriat theih dan ni a relationship lama mithiam te sawi kan rawn tarlang e.
1. In chhuah dun apiangin a insengso zawkah i tang ziah em? I bialpa chu sum nei lo em em tur niin i hre si lo a, mahse, in chhuah dun chang leh eng emaw nikhuaah a insengso zawkah i tang zel a nih chuan i inngaihtuah harh a hun viau ang. Senso te intum sem hi thil pawi a ni lem lo, mahse, inpahniha in chhuah dun apianga purse phawrh zawk a i tang ziah a nih chuan, harh chhuak ang che.
2. A mamawh hunah chauh i tan a awm em? Eng emaw mamawh a neih chang apiangin a rawn bia che emaw inhmuh a rawt emaw a nih chuan ngaitha lo mah la a awm viau. A chang chuan hmeichhia ten hei hi hrethiam loin mipa chuan a thurawn te a mamawh tak tak emaw an ti thin.
3. Pawisa puk a dil thin che em? In chhuah dun changin a insengso zawkah i tang mai pawh ni loin, i pawisa te a puk sak hial che a nih chuan i dinhmun a tha lo hle a, kalsan nghal daih la i tifuh zawk ang. A mamawh leina tur emaw, a mipa zawkin top-up man leh petrol man tih vel a dil fo che a nih chuan i rilru a tihnat tak tak hmain kalsan ang che.
Mipain a hmang mai mai che em?
Get real time updates directly on you device, subscribe now.
Prev Post