Mipui tihretheih tumah MNF puh

Mipui tihretheih tumah MNF puh
Thorang bialtu MLA Zodintluanga Ralte chuan MNF chu mipuite tihretheih tumah a puh a, “MNF sorkar hian min tihretheih a, kan retheihna hmangin sum leh pai nen min lei a, sorkar leh an tum a ni,” a ti.
Nilaini-a Mizoram Pradesh Mahila Congress Committee in General Conference an neihah thu a sawi a, “MNF sorkar hnuaiah hian mi retheite an rethei a, sum lengvak a tlem a, sumdawngte an inhralh thei lo a, hei hi tihluihna a ni. Vawiinah hian rethei taka min dah a, kan pumpui hnuna min hnuh a, sorkar an tum a ni. Sorkar hnathawk te’n hlawh an la mumal thei lo a, retheiin min siam a, kan budget hmasawnna hnathawh nan hmang lova vote lei nana hman an tum a nih hi. SEDP te hi, a dawng tawh tam tak Congress-ah an rawn lut mek a ni,” a ti.
India ramah Congress an sorkar apiangin Mizoten hmasawnna kan hmu thin a, Mizoramah pawh Congress a sorkar apiangin hmasawnna a awm thin tiin a sawi.
“Mizoramah hmasawnna a awm ngai lo titute hi hei hi ka chah duh, Aizawl tui lak phase 1 leh 2 te, nimin lawka hawn 37MLD Water Treatment Plant te, Airport te, Medical College, Vety College, Horticulture college te pawh Congress sawrkar laia din a ni a. Mizoram Hydel Project hmasa ber Tuirial Hydel Project te pawh Congress hun laia din a ni. Mi rethei tam tak in kan saksak bawk a ni,” tiin a sawi.
Congress thiltih that hmu duh miah lo party an awm niin a sawi a, “ZPM Leader Pu Lalduhoma hi kum 1984 a\angin MLA a in-candidate tawh a, mahse mipuiin thuneihna pek tlakah an ngai lo a ni. Tunah pawh hian an pek ka ring lo, thudik lo a sawi thin avangin, Kohhran upa huaisen taka dawt sawi \hin a ni tih hi Mizoram mipui hian an hria a ni,” a ti.
“Kum 2019-ah Zu khapna dan kan pass a, zu in phal loh, zu zawrh phal loh a ni. Mahse MLA, dan siamtuin a naute zu man a lo pe thin a nih chu mawle! Kohhran upa a ni bawk a, A nau, a zinpuite zu in lo tura zirtir lovin zu man a pe thin nia mawle!” a ti bawk.
“ZPM-ah chuan a haw hnuhnung hnung thu a tlang \hin an tih te hi kan ngaihtuah a ngai a ni. Pu KS Thanga pawh an hotu lu te’n vice president turin an sawm a, mahse a haw hnuhnungte vang nge ni, vice president-ah an dah duh leh ta lo a ni. Keini chuan Pu Lalnunmawia Chuaungo kan sawm a, kan dah mai a ni. chuvangin kan ram hruai turin kan duh dawn em ni?” tiin a sawi.