MNF-in sorkar chhuang

Nilaini-a Council of Ministers \hukhawm thurel hrang hrangah lawmthu sawiin MNF chuan, ram hmasawnna tur leh mipui ham\hatna turin thu an titlu tiin, Mizoram sorkar an chhuan thu an puang.
“Council of Ministers-in ram tana an thurel \hahnem tak zingah hun rei tak ata chanchinbumiten Tlumtea thlira an thlir tawh, an ham\hatna tura Journalist Pension pawm a ni hi lawmawm kan tiin, chanchinbumi zahawm tak takte pawh kan lawmpui takzet a ni,” tiin MNF party chuan thuchhuah an siam.
“Khaw tam takin khawtlanga hun rei tak ata an lo hahpui tawh leh tha tam tak an lo sen tawh chhawk zangkhai tura Private school a\anga Lump sum Grant in Aid dinhmuna school 31 zet hlankai a ni te, School 78 zet Lump sum Grant-in-Aid atanga dinhmun tha zawk Lump sum Upgrade Grant-in-Aid a hlankai a ni te, School 52 zet Lump sum Upgrade Grant-in-Aid atanga dinhmun tha zawk Adhoc Grant-in-Aid a hlankai a ni te leh School 180 zet Adhoc Grant-in-Aid atanga Provincialised an ni ta te hi thil chhinchhiah tlak leh hmasawnna ropui tak a ni a. He thurel hian Mizoram sorkar chuan zirna a ngaih pawimawhzia leh, zirlai leh zirtirtute ham\hatna tur mutmawh hnarmawha a neihzia a pholang chiang hleah kan ngai a. A ropui kan ti tak zet a ni,” an ti bawk.