Chief minister Zoramthanga chuan Zirtawpni zing khan Tlawng kawnga Mission Veng Kristian Thlanmual hmun tlawhin, a panna kawng siam ngaite a hmunah a enpui.
Thlanmual panna kawng kilometre chanve vela thui kawng siamthat ngai chu SASCI (Scheme Special Assistance to States for Capital Investment) sum atanga thawh tura ruahman niin, hna tan thuai beisei a ni.
Chief minister chuan Aizawl khawpui chhimlam vengte chu ram hmasawn zelah a pawimawh belhchhah zual tur thu a sawi a. Khawtlang hmasawnna tur ruahman kawngah hmathlir thui tak nei a, thangtharte tan tangkai leh mamawh turte ngaihtuah chunga hma lak pawimawh a tih thu a sawi. Mission Veng thlanmual biodiversity site lam hawia siam tel an tum chu tha a tih thu sawiin, kawng siam hmabak pawh tha taka an thawh ngei a beisei tih a sawi a ni.
Mission Veng thlanmual hmun tlawh
Get real time updates directly on you device, subscribe now.
Prev Post